Booking

عشان نقدر نجهز الاستوديو بالشكل المناسب لتصويرك، مهم تبلغنا بكل تفاصيل التصوير والمعدات اللي محتاجها وقت الحجز.

أي كاميرات، مايكات، تليبرومبتر أو معدات إضافية بتكون بتكلفة إضافية، وتقدر تختار الإضافات المناسبة لك مباشرة من صفحة الأسعار (Add-ons)، أو تطلبها مننا على الواتساب وقت الحجز.

وبالنسبة للديكور أو الـSetup المطلوب للتصوير، بيتم الاتفاق عليه مسبقًا على الواتساب، عشان نقدر نجهزه ونتأكد إنه جاهز قبل وصولك للاستوديو.

كل ما تفاصيل الحجز تكون واضحة من البداية، نقدر نضمن لك تجربة تصوير أسهل وتجهيز أفضل في الوقت المحدد. ❤️

تأكيد الحجز بيتم عن طريق الواتساب فقط، وبعد ما فريقنا يراجع الميعاد على الكالندر ويتأكد من التوفر، بنأكد لك الحجز رسميًا.

لتأكيد الحجز، بيتم دفع 50% عربون عن طريق InstaPay، سواء الحجز لجلسة تصوير داخل الاستوديو أو لإيجار الـOutdoor Studio.

في حالة إلغاء أو تأجيل الحجز قبل الموعد بأقل من 48 ساعة، العربون غير قابل للاسترداد.

باقي المبلغ بيتم دفعه داخل الاستوديو فور انتهاء التصوير، وطرق الدفع المتاحة هي InstaPay أو الكاش فقط.

أسعار المونتاج بتختلف حسب نوع المحتوى وشكل التعديل المطلوب، وكل التفاصيل والأسعار متاحة على صفحة الأسعار.

Reel Edit: بيبدأ من 800 جنيه للنسخة الـBasic، ويوصل لـ2,000 جنيه لنسخة الـGraphic + Subtitles.

Social Media Ad: فيديو من 60–90 ثانية بسعر 2,000 جنيه.

Long Video: فيديو من 5–10 دقائق بسعر 7,000 جنيه.

Podcast Editing: بسعر 2,500 جنيه للساعة؛ يعني ساعة = 2,500 جنيه، ساعتين = 5,000 جنيه، وهكذا.

التسليم بيكون أونلاين خلال 7–10 أيام عمل من استلام كل المواد المطلوبة للمونتاج.

بيكون ليك جولتين تعديل مجانًا. ولو احتجت تعديلات إضافية، أو طلبت إضافة حاجة جديدة ما كانتش متفق عليها من البداية، بيتم احتساب 350 جنيه لكل جولة تعديل إضافية.

بنحتفظ بالفيديو النهائي عندنا، لكن الـRAW Footage بيتم حذفه بعد شهرين من تاريخ التصوير، فلو محتاج اللقطات الخام، يفضل تستلمها قبل انتهاء المدة.

السعر لا يشمل تصميم الـThumbnail (صورة غلاف الفيديو)، والتصميم متاح مقابل 200 جنيه إضافية. كل اللي هنحتاجه منك هو عنوان الفيديو عشان نستخدمه في التصميم.

ولو حابب تستلم الـRAW Footage وتعمل المونتاج بنفسك أو مع Editor تاني، مفيش أي مشكلة. كل اللي عليك إنك تجيب هارد معاك يوم التصوير عشان نقدر نسلمك الملفات.

التصوير متاح بالساعة للبودكاست والريلز، وبجلسة قصيرة للبورتريه.

البودكاست: الساعة تشمل تصوير شخصين بـ2 كاميرا، 2 مايك، إضاءة ومصور.

الريلز: الساعة تشمل تصوير شخص واحد بكاميرا، مايك، إضاءة ومصور.

البورتريه: جلسة قصيرة داخل الاستوديو مع تسليم الصور بعد الـRetouching.

تقدر تحجز Inside Studio في جاردينيا هايتس، ولو محتاج الاستوديو فقط بدون معدات أو مصور، السعر 1,500 جنيه للساعة بحد أدنى ساعتين، ولو الحجز أكتر من 4 ساعات بيكون السعر 1,200 جنيه للساعة.

أي تلف يحصل لأي من معدات أو محتويات الاستوديو أثناء التصوير بيكون مسؤولية العميل، وبيتم دفع تكلفة التلفيات يوم التصوير قبل مغادرة المكان.

ونرجو الالتزام بعدم التدخين أو تناول الأكل داخل الاستوديو (Inside Studio) حفاظًا على المكان وتجهيزاته.

ولأي تنبيهات أو تفاصيل إضافية بخصوص الباركينج أو دخول الاستوديو أو أي ترتيبات خاصة بالحجز، يفضل التواصل مع مدام ماري، المسؤولة عن الحجوزات قبل موعد التصوير.

إحنا موجودين في جاردينيا هايتس – التجمع الخامس، ومتواجدين يوميًا من 10 صباحًا لـ6 مساءً.

والتصوير متاح من 10 صباحًا لـ10 مساءً، ما عدا يوم الجمعة إجازة.

حابب تشوف المكان قبل ما تحجز؟ مفيش مشكلة، تقدر تعمل معاينة للاستوديو بميعاد مسبق. كلمنا على الواتساب ونظبطلك الموعد المناسب.